လူတစ်ဦးတစ်ယောက်ကို တဒင်္တံအတွင်းတွေ့မြင်ယုံနှင့် ၎င်း၏အကျင့်စရိုက်စိတ်နေသဘောထားတို့ကို သိရှိရန်မှာ လွယ်ကူလှသည်
မဟုတ်ပါ ။ သို့သော် လူ၏ စိတ်သည် မျက်နှာပေါ်တွင် ပေါ်ပေါက်ထင်ဟတ်နေသကဲ့သို့ လက်၏ လှုပ်ရှားမူပေါ်တွင်လည်း ထင်ဟတ်ဖေါ်ပြနေသည်ကို သိပ္ပံနည်းကျ လေ့လာထားရှိချက်များအရ သိရှိကြသည် ။
ိလက်၏လှုပ်ရှားမူနှင့် လက်မများလက်ချောင်းတို့၏ အထားအသိုပေါ်မူတည်၍ အကဲခတ်ခြင်းအားဖြင့် အကျင့်စရိုက်စိတ်နေသဘောထားတို့ကို တစိတ်တဒေသ သိရှိနိုင်ပါသည် ။
ဥပမာ - လူတစ်ယောက်သည် ဒေါသကြီးစွာ ဖြစ်လာလျှင် မျက်နှာတစ်ခုလုံး တီရဲနေအောင်သွေးရောင်လွမ်းလာမည် မဟုတ်ပါလား ။ ထို့အတူ ပင်လက်သီးကိုကျစ်ကျစ်ပါအောင်ဆုတ်ထားတတ်ကြသည်မှာလည်း သိသာသည့် အချက်ကြီးတရပ်ပင်ဖြစ်ပါသည် ။
ထို့ကြောင့် လူတစ်ယောက်၏ စရိုက်လက္ခဏာ ကိုလေ့လာအကဲခတ်နိူင်ရန် လက်၏ လှုပ်ရှားမူနှင့် လက်အနေအထားအမျိုးမျိုးအပေါ် " ရူပသျှတ္တရ " ပညာရှင်များ၏ ဟောဆိုချက်များကို လေ့လာကြပါစို့ ။
( ပွင့်လင်းရိုးသားသောသူတို့) ၏လက်သည် ပြန့်ကားလျှက်(၀ါ)ဖွင့်လျှက်အနေအထားရှိ၏ ။ လက်ကိုထင်သာမြင်သာအောင်ပြတတ်၏ ။
(လျှို့ဝှက်တတ် ၊ လျှို့ဝှက်ချက်ရှိသူများသည် ) ၎င်းတို့၏ လက်ကိုဆုတ်ကိုင်ထားတတ်ကြသည် ။ လက်ကိုဝှက်ထား၍လည်း တတ်ကြသည် ။
(လက်ချောင်းများသည် အချင်းချင်း ပူးလျှက်ထားရှိခြင်း ၊ လက်ကိုဆုတ်၍အောက်သို့တွဲလောင်းချထားခြင်း ) တို့ကို တွေ့ရှိပါက ထိုသူသည် ယုံကြည်ချက်ကို ဆုတ်ကိုင်ထားတတ်သူတဦးဖြစ်သည် ။ လုပ်ငန်း တို့၏ လျှို့ဝှက်များကိုလည်း ဖုံးကွယ်ထားတတ်သူမျိုးဖြစ်သည် ။
(လူတယောက်၏ လက်များသည် ဘေးတဖက်တချက် စီတွင်ထားရှိပြီးဖြန့်ကားထားခြင်း ၊ ပျော့လျော့စွာထားခြင်း တို့ကို တွေ့မြင်ရပါက ၎င်းသည် စိတ်ဓါတ်ကြံ့ခိုင်သူမဟုတ်ချေ ။ ဆုံးဖြတ်ချက်မရှိရည်ရွယ်ချက်ကင်းမဲ့သူမျိုးဖြစ်သည် ။ ရရစာားး ၊ ပေါ့ပေါ့နေပေါ့ပေါ့စား လူမျိုးဖြစ်သည် ။ ထိုသူတို့၏ စိတ်မှာ ပျင်းရိခြင်း ၊ ပေါ့ပျက်ပျက်များရှိလေသည် ။
(လက်နှစ်ဖက်ကို ဘေးတွင်ချထားသည် မှတ်သော်လဲ လက်သီးမှာဆုပ်လှက်ရှိတတ်သူများသည် )
ကြမ်းတမ်းခက်ထန်သူများဖြစ်သည် ။ စိတ်ရှိုင်းရှိသည် ။ ရက်စက်ကြမ်းကြုတ်သောအပြုအမူမျိုးရှိသူဖြစ်သည် ။
ထိုလူတို့သည် ရန်လိုတတ်သောသဘောကို ဖေါ်ပြနေသဖြင့်မကြာခဏ ရန်ပွဲနှင့် ရင်ဆိုင်ရတတ်၏ ။ နိုင်ထက်ကလူပြုလိုသော ဥာဏ်ဆိုးရှိသည် ။ ကောက်ကျစ်ရက်စက်တတ်သော သဘောလည်းရှိပြန်သည် ။
(လက်သီးကို ကျစ်ကျစ်ပါအောငါဆုတ်ထားသော အမှတ်အသားသည် စိတ်ဝယ်တစုံတရာ ယတိပြတ်ဆုံးဖြတ်ခြင်း၏ အမှတ်အသားပင်ဖြစ်သည် ။
(လူတစ်ယောက်သည် သူ၏လက်ကို အထက်နှင့်အောက်သို့ ချီချတင်ချီပြုမူနေခြင်းသော်၎င်း ၊ အင်္ကျီံ ၊ဘောင်းဘီအိတ်အတွင်းသို့ချီထုတ်ချီ ) ပြုလုပ်နေလျှင်သော်၎င်း သူ၏ လက်များကိုမည့်သည့်နေရာထားရမှန်းမသိအောင်နေရာရှာမရဖြစ်နေပါက ရည်ရွယ်ချက် ၊ ရည်မှန်းချက်၍
မယ်မယ်ရရ ဆုတ်ကိုင်ထားမူ့မရှိခြင်း ၊ စိတ်မှာ မရေမရာခြင်း ၊ မသေမချာခြင်းတို့ ကိုဖော်ပြနေခြင်းသာဖြစ်သည် ။ ၎င်းတို့သည် ရည်ရွယ်ချက်မရှိသွားလာလည်ပတ်တတ်ခြင်း ၊ ပြူမူတတ်ခြင်း ၊
မရေမရာစကားများကိုလည်းပြောဆိုတတ်ခြင်းရှိတတ်ပေသည် ။
(လူတစ်ယောက်သည် သူ၏ လက်များကို ရွေ့လျားလှုပ်ရှားရာတွင်တစုံတရာနှင့်ထိခိုက်စိုးရွံ့၍ ရှောင်တိမ်းခြင်းသတိကြီးစွာထားခြင်းများကို တွေ့ရပါက ထိုသူသည် အရာရာတိုင်းတွင်သံသယကြီးစွာရှိသူဖြစ်ကြောင်း အတတ်သိနိုင်လေသည် ။ ၎င်းသည်ပြင်းထန်စွာစိုးရိမ်ကြောင့်ကြစိတ်ရှိ၍ သတိကြီးသူလဲဖြစ်သည် ။
ထာဝရစိုးရိမ်စိတ်မကင်းဖြစ်နေတတ်သည် ။ မည်သူ့ကိုမျှရုံကြည်စိတ်ချထားခြင်းမရှိချေ ။
( လူတစ်ယောက်သည် တစုံတရာကို ကိုင်တွယ်ဆော့ကစားတတ်ခြင်း ) ဥပမာ - လက်ကိုင်ပ၀ါ ၊ကျောက်ခဲ ၊
ပစ္စည်းငယ်များစသည်တို့ကို ခက်တွင်ဟိုပွတ်ဒီပွတ်လှုပ်ကစားနေတတ်ခြင်းသည် ၎င်း၏ စိတ်ဂဏှာမငြိမ်
ခြင်းနှင့် စိတ်ကစားနေမူကိုဖြေ်ပြနေခြင်းဖြစ်သည် ။ ထိုနည်းတူစွာခဲတံ ၊ ဘောပင်ဖြင့် ရောက်တတ်ရာရာရေးခြစ်သူများလည်း ဤသဘောပင်ဖြစ်သည် ။
(လက်ဝါးနှစ်ခုကိုပူး၍ကပ်၍ ဆုပ်ကိုင်ထားတတ်သော အကျင့်ရှိသူတို့သည် စိတ်ထားတည်ငြိမ်အေးချမ်းခြင်းကို
ပြသည် ။ စိတ်သဘောထားတည်ငြိမ်၍ ဒေါသစိတ်လဲကင်းရှင်းနေမူကိုပြသည် ။ ၎င်းတို့သည် များသောအားဖြင့်
စပ်စုခြင်းကင်း၍ ဘာသိဘာသာနေထိုင်တတ်သည်။ ပူပင်သောကလဲမရှိချေ အေးအေးနေတတ်ပြီးစကားနည်းသူများဖြစ်သည် ။
( လူတစ်ယောက်သည် သူ၏လက်မောင်းများ ၊ လက်ဝါးများကို ခပ်ကြွားကြွား ၊ ခပ်ကားကားထား၍ လက်သီးဆုတ်ထားသည့်ဟန် )ပန်ရှိသူတို့သည် စရိုက်ကြမ်း၍ ရိုင်းစိုင်းသောစိတ်ထားရှိသူများဖြစ်သည် ။ ကြမ်းတမ်းသော အလုပ်ကိုလုပ်ကိုင်ရသူများလဲဖြစ်သည် ။ ၎င်းတို့သည် အငြင်းအခုံ သန်၍ မည်သူ့ကိုမျှ
အောက်ကြို့မခံတတ်ပေ ။ စကားကိုလဲ အထက်စီးမှ ပြောတတ်သည် ။ ( ၀ ) မရှိဘဲ ( ၀ိ ) လုပ်နေသူများဖြစ်သည် ။ ယင်းတို့သည် အားနဲသူများအပေါ်တွင် ဖိနှိပ်အနိုင်ကျင့်တတ်သည် ။ ထိုသူများကိုဆက်ဆံရာ၌ သတိတရားကြီးစွာထား၍ ဆက်ဆံသင့်ပေသည် ။ သို့မဟုတ်ပါက ရန်ပြဿနာများမုချပေါ်ပေါက်လာနိုင်ပေသည် ။ လစ်ဗျား ခေါင်းဆောင်ဗိုလ်မူးကြီး ( ကဒါဖီ ) နှင့် အီတလီအာဏာရှင်( မူဆိုလိုနီ ) တို့သည် ဤကဲ့သို့လက် အနေအထား ထားတတ်လေသည် ။
(လူတစ်ယောက်သည် သူ၏ လက်နှစ်ဖက်ကို ပွတ်သပ်နေခြင်း ၊ ချေးတွန်းသကဲ့သို့ တစ်ခုကို တစ်ခု ပွတ်သပ်နေခြင်းများကို ) တွေ့ပါက ထိုသူသည် ယုံကြည်ထိုက်သူတစ်ဦး မဟုတ်ပေ ။ ကတိသစ္စာ မတည်ကြည်သူ ၊ မရိုးမဖြောင့်သောသူများဖြစ်သည် ။ လိမ်ညာလှည့်ဖျားတတ်သောသူများလဲဖြစ်သည် ။ ၎င်းတို့၏ အပြောများကိုမည်သည့်အခါမျှမယုံကြည်ရချေ ။ ထိုသူတို့သည် သူတစ်ပါးအပေါ် တွင် အမြဲတစေလိမ်ညာလှည့်ဖျား၍ ကိုယ်ကျိုးရှာအတ္တသမား သက်သေသာဖြစ်သည် ။
( လူတစ်ယောက်သည် သူ၏လက်များကို တွဲလောင်းချထားပြီး မလုပ်ချင်မကိုင်ချင်နှင့်ပုံ )မျိုးလက်ကို အုန်းဆံကြိုးနှစ်ချောင်းတွဲလဲချထားသကဲ့သို့သူမျိုး ၊ ထူထဲလေးလံ၍ လှုပ်ရှားမူနှေးကွေးသော လက်မျိုးသည် စိတ်ဓါတ်ရေးရာအလွတ်ကျဆင်းနေသူများဖြစ်သည် ။ ၎င်းတို့သည် အသက်ရှင်လျှက်စိတ်ဓါတ်သေဆုံးနေသူများဖြစ်သည် ။ ဖြစ်သလိုနေဖြစ်သလိုစား၍ လောကကြီးကို ငြီးငွေ့နေသူများဖြစ်သည် ။ ၎င်းတို့၏ ဘ၀သည် ကြမ်းတမ်းခက်မာပြီး လွယ်ကူချောမောခြင်းမရှိတတ်ချေ ။
( လူတစ်ယောက်သည် သူ၏လက်နှစ်ဖက်ကို နောက်တွင်ပစ်လျှက်ဆုတ်ကိုင်ထားတတ်ခြင်းသည် ) သတိတရားကြီးလွန်းသူဖြစ်သည် ။ သတိဝိရိယအမြဲ ရှိနေခြင်းများကိုပြသည် ။ ၎င်းတို့သည် အစဉ်နိုးကြားနေသူဖြစ်သည် ။ သို့သော် ရှေ့လုပ်ရမည့် လုပ်ငန်းစဉ်အတွက် ပိုင်ပိုင်နိုင်နိုင် ဆုံးဖြတ်ချက်မချတတ်သူများဖြစ်သည် ။
( လက်သည်းကိုက်တတ်သူများ) သည် စိတ်ကူးယဉ်တတ်၍ ပေါ့ပေါ့နေပေါ့ပေါ့စား များဖြစ်ကြသည် ။ ၎င်းတို့သည် မိမိသက်သာလျှင်ပြီးရော လူစားမျိုးဖြစ်သည် ။ ယင်းတို့သည် ကိုယ်ကျိုးတစ်ခုတည်းကိုသာ ရှေ့တန်းတင်၍ လုပ်ကိုင်တတ်ကြ၏ ။
(လက်သီးနှစ်ဖက်ဆုပ်၍ မေးထောက်တတ်သူများ ) သည် ပျော်ပျော်ရွင်ရွင်နေတတ်သူများဖြစ်သည် ။ ၎င်းတို့သည် အပေါင်းအသင်းအပေါ်ခုံမင်၍ အရာရာတိုင်းကို သူများအားကိုးတတ်ကြသည် ။
( ပါးပြင်နှစ်ဖက်အားပွတ်သပ်တတ်သူများနှင့် မေးစေ့ပွတ်သပ်တတ်သူများသည် )အကြံကြီးသူများဖြစ်ကြသည်
၎င်းတို့သည် စေ့စပ်သေချာ၍ ပိုင်ပိုင်နိုင်နိုင်ဆုံးဖြတ်တတ်သူများဖြစ်သည် ။
( ပါးပြင်အားလက်ညိုးဖြင့် ထောက်တတ်သူများသည် ) စဉ်းစားဥာဏ်အတွေးအခေါ်ကောင်း၍ အရာရာတိုင်းကို ချင့်ချင့်ချိန်ချိန်တွက်ဆတတ်ပေသည် ။ ၎င်းတို့သည် အထူးသဖြင့် နိုင်ငံရေး ၊ စီးပွားရေး ၊ အနုပညာလောကတို့
၌ အကြီးအကဲ များဖြစ်နေတတ်ကြသည် ။
(မိမိ၏ လက်နှစ်ဖက်ကိုနောက်ပစ်၍ ဦးခေါင်းနောက်ဖက်သို့တင်ထားသူများသည် ) သွက်လက်ချက်ချာ၍ အောင်မြင်မူပန်းတိုင်သို့ရောက်ရှိသူများ ဖြစ်သည် ။ ၎င်းတို့သည် ဖြတ်ထိုးဥာဏ်ကောင်း၍ အရာရာတိုင်းကို လျှင်မြန်စွာ ဆုံးဖြတ်တတ်သူများဖြစ်သည် ။
( မိမိလက်ဖြင့်ပါးစပ်ကို ပွတ်သပ်ကစားသူများသည် ) လောင်းကစားဝါဒနာထုံ ၍ အရာရာတိုင်းကို စိတ်ဒ္ဓိဟ ရှိနေသူများဖြစ်သည် ။ ၎င်းတို့သည် တခါတရံဇီဇာကြောင်တတ်သည် ။
( မိမိလက်ညှိုးကို နုတ်ခမ်းပေါ်တင်တတ်သူများသည် ) ကောင်းသော အလုပ်ဖြစ်စေ ၊ ဆိုးသော အလုပ်ဖြစ်စေ
ပြတ်သားတိကျစွာ မလုပ်ကိုင်ရဲသော လူကြောက်များဖြစ်သည် ။ ၎င်းတို့သည် မိမိကိုယ်ကိုလည်း အားမကိုးနိုင် ၊
သူများကိုလဲအားမကိုး တတ်သူများဖြစ်သည် ။
(လက်ဖ၀ါးနှစ်ဖက်ကို တစ်ခုနှင့်တစ်ခု ထပ်၍ဆုပ်ကာထားစဉ်လက်ဝဲဖက်လက်မသည် အထက်၌ရှိနေလျှင် )
ထိုသူသည် စိတ်ကူးယဉ်သမား ဖြစ်သည် ။ ဆင်ခြင်စဉ်းစားဥာဏ်ခေါင်းပါးမည် ။ လေထဲတိုက်ဆောက်တတ်သူမျိုးဖြစ်သည် ။
(လက်ယာဖက်လက်မသည် အထက်၌ရှိနေလျှင် ) ထိုသူ သည် လက်တွေ့သမားဖြစ်သည် ။ ဖျတ်ဖျတ်လတ်လတ် ရှိသူဖြစ်မည် ။ ဆင်ခြင်စဉ်းစားတတ်သော ဥာဏ်ရှိမည် ။
(လက်မကို လက်ချောင်းကလေးများအတွင်း၌၀ီက်ထားသကဲ့သို့ ) ရှိနေလျှင် ထိုသူသည် အာဏာအတွက် အထူးလိုက်လံရှာဖွေနေသူဖြစ်သည် ။ သူတစ်ပါးကို အားကိုးလိုစိတ်ရှိတတ်ပြီး လောကကြီး၏ ဖိနှိ်ပ်မူကို ခံစားနေရပါလားဟုထင်မြင်နေသူဖြစ်သည် ။
( လက်မထိပ်ဖျားများသည် လက်ညိုးနှင့် လက်ခလယ်ကြားမှပြူထွက်နေလျှင် ) ထိုသူသည် အရာရာတိုင်း၌
စိတ်ပူပတ်တတ်ယုံမက သံသယမကင်းသူဖြစ်သည် ။ မည်သည့် ကိစ္စတွင်မဆိုဖြစ်မှဖြစ်ပါ့မလား ၊
ဟုတ်မှဟုတ်ပါ့မလား စသည်ဖြင့် တဖွဖွပြောတတ်သူဖြစ်သည် ။
(လက်မသည် အပြင်ဖက်၌ပေါ်ပေါ်ထင်ထင် ၊ ထိုးထိ်ုးထောင်ထောင် ထွက်ပေါ်နေလျှင် )ထိုသူသည် မိမိကိုယ်ကို မိမိအလွန် စိတ်ချယုံကြည်သူဖြစ်ပေမည် ။ တပါးသူများ အပေါ် သြဇာလွမ်းမိုး၍ အမိန့်ပေးနိုင်သည့် အရည်အချင်းရှိမည် ။
(လက်ချောင်းကလေးများကို ခပ်ခွာခွာထားတတ်လျှင်) ထိုသူသည် ကိုယ့်အားကိုယ်ကိုးတတ်သူဖြစ်သည် ။
ပြောဆိုဆက်ဆံရာ၌ ပွင့်ပွင့်လင်းလင်း ရှိယုံမက အရာရာတိုင်း၌ အသင့်အနေအထားရှိနေတတ်သူဖြစ်သည် ။
နောင်ခါလာ နောင်ခါဈေးဆိုသော စိတ်ထားမျိုးရှိမည် ။
( လက်ချောင်းများကို တစ်လုနှင့်တစ်ခု ထိနေအောင်ထားလျှင် )ထိုသူသည် အရှက်ကို အသက်နှင့်လဲ၍ ကာကွယ်တတ်သည့် ပုဂ္ဂိုလ်ဖြစ်သည် ။ အရာရာတွင် စိုးရိမ်ကြောင့်ကြတတ်သည် ။ မလိုအပ်ပဲ သတိ လွန်ကဲနေတတ်သူဖြစ်ကည် ။
(လက်ချောင်း ကလေးများသည် အတွင်းပိုင်းသို့ ကွေးဝင်နေလျှင် ) ထိုသူသည် အတ္တစိတ်ရှိသူဖြစ်သည် ။ တစ်ကိုယ်ကောင်းဆန်တတ်သူလဲ ဖြစ်မည် ။ မိမိကိုယ်ကို မိမိယုံကည်မူ ကင်းမဲ့ပြီး စိတ်သောကများတတ်သူဖြစ်မည် ။
( လက်ချောင်းကလေးများသည် အတွင်းဖက်သို့ကွေးဝင်နေသည် လက်မှာ လက်သီးဆုန်ဟန်မျိုးဖြစ်နေလျှင်)
ထိုသူမျိုးကို အလွန်သတိထားရမည် ။ ၎င်းစိတ်မြန်လက်မြန်ရှိငတစ်ပါး သူကိုသြဇာလွမ်းမိုးလိုစိတ် အလွန်ပြင်းပြသူဖြစ်သည် ။
၎င်းလက် - နာဇီခေါင်းဆောင် ဟစ်တလာ
- ရုရှားခေါင်းဆောင် စတာလင်
( လက်ချောင်းများအဆစ်မပ်သလို ခပ်တောင့်တောင့် ဖြစ်လျှင် )ထိုသူသည် သတိအလွန်ရှိသူများဖြစ်ပြီး တစ်ပါးသူကို အယုံအကြည် ကင်းမဲ့နေသူဖြစ်သည် ။ မိမိကိုယ်မှ လွဲ၍ အခြားမည်သူ့ကိုမျှ စိတ်မချနိုင်သူ ဖြစ်သည်။ တစ်ပါးသူကို ဝေဖန်လိုစိတ်အပြည့်အ၀ ရှိမည် ။
( ပျော့ပြောင်းသော လက်ချောင်းကလေးများရှိပြီး ၎င်းတို့သည် အပြင်ဖက်သို့ကော့လန်ပုံပေါ်နေလျှင် )
ထိုသူသည် လောကကြီးနှင့် အလိုက်အထိုက်နေထိုင်တတ်သူဖြစ်မည် ။ ပျော်ပျော်နေသေခဲဟူသောဆိုရိုးစကားကို အလွန်လိုက်နာလိုသူဖြစ်မည် ။ရောက်လေရာမှာ ရှိတာလေးဖြင့်
ပျော်ပျော်နေတတ်သူဖြစ်မည် ။ ပေးကမ်းစွန့်ကြဲရာ၌လည်း အလွန်ရက်ရောသည် ။ သို့သော် ရုတ်တရက်အမှတ်အထင်ဒေါသအိုးပေါက်ကွဲတတ်သူဖြစ်၍ သတိထားရမည် ။
ဤကဲ့သို့........လက်တို့၏ လှုပ်ရှားမူသဘာစကို လေ့လာအကဲခတ်ခြင်းဖြင့် လူတစ်ယောက်၏ စိတ်နေစိတ်ထားနှင့်စရိုက်လက္ခဏာများကို လွယ်ကူစွာအကဲခတ်နိုင်ပေသည် ။ အဘယ်ကြောင့်ဆိုသော်
လူ၏ မျက်နှာသည် ဟန်ဆောင်ရနိုင်ပေသည် ။ အကျင့်ပါနေသောလက်တို့၏ အနေအထားကားထိုသူ၏ ပင်ကိုယ်စိတ်အနေအထားကို ဖါင့်ဟနေသောကြောင့် ဟန်ဆောင်၍မရပေ ။
မည့်သို့ဆိုစေ - မိမိကိုယ်တိုင် အခြားသူများ၏ လက်လှုပ်ရှားမူများကို စိတ်ဝင်စားစွာအကဲလန်လေ့လာပါက
မကြာမီအချိန်အတွင်း မိမိအကဲ ခတ်မူများသည် ရာနုန်းပြည့် မှန်ကန်နေသည်ကို တွေ့ရပေကည် ။
သန်းဝင်းလှိုင်
သုတစွယ်စုံ
အမှတ် ၊ ၃၈
မေလ - ၁၉၉၄
ိ
No comments:
Post a Comment