ဝါရင့်ဓါတ်ပုံဆရာတွေလို ဓါတ်ပုံရိုက်ကြမယ်..။

အခုဆိုရင် ၀ါလကင်းလွတ် သီတင်းကျွတ်ပြီမို့ မင်္ဂလာဆောင်မယ့် ကိုကို
မမတွေ..အလှူလုပ်မယ့်သူတွေ..ဘွဲ့ယူမယ့် မောင် မယ်များ အတွက်
ဝိုင်းဝန်းကူညီအကျိုးတော်ဆောင်ပေးမယ့် ဓါတ်ပုံဝါသနာရှင်များအတွက် တစ်ကယ့်
ဝါရင့် ဓါတ်ပုံ ဆရာ တွေလို ဓါတ်ပုံရိုက်နည်းများကို
ရှင်းလင်းပြောပြပေးသွားပါမယ်။ ကျွန်တော် သိသလောက်ပေါ့ဗျာ..။
စဦးဆုံးပြောမှာကတော့ ဓါတ်ပုံကောင်းရအောင် ရှောင်ရမယ့် နည်းတွေပါ။
(၁) နေရှိရာဘက်ကို မျက်နှာမူပြီး ဓါတ်ပုံမရိုက်ပါနဲ့။
နေရှာရာဘက်ကိုမျက်နှာမူပြီး ဓါတ်ပုံရိုက်မယ်ဆိုရင်.. မှန်ဘီလူးထဲကို
နေအလင်းကစူးပြီးဝင်လာမှာမို့ ကင်မရာမှာ ၇ှိတဲ့ Auto Exposure ကို
အမြင်မှောက်မှားအောင် လုပ်နိုင်ပါတယ်။ ဒါဆိုရင်..ဘာဖြစ်နိုင်မလဲ..။
ရိုက်လိုက်တဲ့ပုံမှ လူတွေကို အလင်းတွေကဖြန့်ကျက်နေပြီး ပုံရိပ်ကောင်းကို
ရနိုင်တော့မှာမဟုတ်ပါ။ အရောင်တွေ ပျောက်ကုန်မှာပါ။ ဒါကြောင့်
ရှောင်ပါနော်။
(၂) Auto Exposure ကိုကြီးပဲ အားမကိုးပါနဲ့။
ကင်မရာထဲမှာ EV ဆိုတဲ့ခလုပ်ကလေးကိုတွေ့နိုင်မှာပါ။ မတွေ့ရင်လည်း
ရှာကြည့်ပေါ့ဗျာ။ ရှိပါတယ်။ ပတ်ဝန်းကျင် မှာ အရမ်းလင်းနေတယ် ၊
နေပူနေတယ်ဆိုရင် EV ကို လျော့ပေးပါ။ ဥပမာ - (-0.3 , -0.7 ) ထားကြည့်ပြီး
ရိုက်ပါ။ ပတ်ဝန်း ကျင်မှောင်နေတယ်ဆိုရင်.. EV ကို တိုးပေးပါ။ ဥပမာ -
(+0.3 , +0.7 ) ထားကြည့်ပြီး ရိုက်ပါ။ ဓါတ်ပုံကို ပိုမို ကောင်းမွန်
စေနိုင်ပါတယ်။
(၃) Auto ကိုပဲ ခဏခဏ အားမကိုးပါနဲ့။
အပျော်တမ်းကင်မရာတွေကော.. စီးပွားဖြစ်ကင်မရာတွေပါ.. Auto , Manual
,Program လို့ခေါ်တာတွေပါပါတယ်။ ဖြစ်နိုင်ရင် M တို့ P တို့တွေကို
စမ်းသုံးကြည့်ပါ။ ဓါတ်ပုံရိုက်တော့မယ်ဆိုရင် ..အရင်ဆုံး အလင်းအတွက် ISO
ကို ချိန်ပါ။ 100 သို့မဟုတ် 200 ပေါ့ဗျာ.. ။ ညဘက်ဆိုရင် 400 တို့
ဘာတို့ပေါ့ဗျာ..။ ပြောင်းလဲအသုံးပြုပါ။ ပြောချင်တာကတော့ Auto ကိုပဲ
အားမကိုးပါနဲ့။
(၄) ဓါတ်ပုံရိုက်ရင် အလင်းပြန်နေတဲ့ အရာတွေကို သတိထားပါ။
ကိုယ်ကတော့ လောကြီးပြီး ရိုက်ပြီးတော့မှ ဓါတ်ပုံထွက်လာမှ
အလင်းတွေပြန်နေမယ်ဆိုရင် အားလုံးအလကားပါပဲ။ မရိုက်ခင်သေချာကြည့်ပါ။
Location ကို သေချာရွေးချယ်ပါ။
(၅) နောက်ခံ ဘက်ဂရောင်းကို သေချာကြည့်ပါ။
ဓါတ်ပုံမရိုက်ခင် သေချာကြည့်ထားပါ။ ရိုက်ပြီးတော့မှ ဓါတ်ပုံထဲမှာ
သင့်ကောင်မလေးခေါင်းကိုဖောက်ထွက်နေမယ့် သစ်ကိုင်းတွေ.. ဓါတ်ကြိုးတွေ..
ဝါးလုံးတွေကို တွေ့နေရပါဦးမယ်။ အဲ့လိုဖြစ်သွားရင်..စိတ်ညစ်စရာကြီးပါ။
ရှိသေးတယ်.. အနောက်ကနေ နောက်ပြောင်နေသူတွေရှိရင် တစ်ပုံ
နှစ်ပုံလောက်ကျေနပ်အောင်ရိုက်ပေးပြီး ဖယ်ခိုင်းပါ။ လုံးဝ မတင့်တယ် ပါဘူး။
သစ်ပင်လှလှလေးတွေ အဆောက်အဦကောင်းကောင်းကို
နောက်ခံထားပြီးရိုက်မယ်ဆိုရင်လည်း သတိထားကြည့်ပါ။
(၆) အပိုဆောင်ထားပါ။
ခေတ်က Digital ခေတ်ဖြစ်နေတော့ Memory Card တို့ Battery တို့
အပိုဆောင်ထားပါ။ Error ပေါ်သွားရင် သင် ငိုသွားရပါလိမ့်မယ်။ ကျန်သေးတယ်။
ရိုက်ပြီးသားနဲ့ မရိုက်ရသေးတာနဲ့လည်း မမှားပါစေနဲ့။ သင်မသိသော
ခလုပ်များကို ဓါတ်ပုံရိုက်ကူးနေချိန်မှာ မကလိပါနဲ့။ ရှိသမျှလေး
ကုန်သွားနိုင်ပါတယ်။
(၇) ကြိုညှိထားပါ။
ရိုက်ကူးနိုင်တဲ့ Location တွေကို ကင်မရာမင်းကြီးနဲ့ သရုပ်ဆောင်တွေနဲ့
ကြိူညှိထားပါ။ ရောက်မှ ရိုက်မယ်ဆိုရင် အခက်အခဲတွေ့နိုင်ပါတယ်။
ကြိုညှိထားရမှာကတော့ ရိုက်ကူးရေးအခြေအနေပေါ်မူတည်ပါတယ်။ လေ့လာကြည့်ပါ။
(၈) အရိပ်ကြီးပါနေမယ်..သတိ။
ဓါတ်ပုံရိုက်ရာမှာ ကင်မရာမင်းကြီးရဲ့ အရိပ်ကြီးပါမနေအောင်
နှစ်ဦးနှစ်ဘက် သတိထားပေးပါ။ အဲ့..နောက်တစ်ခု ကျန်သေးတယ်။
ဓါတ်ပုံရိုက်ရာမှာ ပုံရိပ်ရွဲ့စောင်းနေခြင်း နှင့် တချို့သော
မိတ်ဆွေများကို ဓါတ်ပုံထဲမှာ ဖြတ်မထားခဲ့ပါနဲ့။ ဥပမာ
..ခေါင်းပြတ်သွားတာမျိုး.. လက်ပါမလာတာမျိုးတွေပေါ့ဗျာ….။ လုပ်ရဘူးနော်..။
(၉) ဖြတ်သားကျန်ပါစေ..။
ဓါတ်ပုံရိုက်ရာမှာ ကင်မရာထဲမှာ မရိုက်ခင်ကတည်းက ဘေးဘက်မှာ
နေရာလွတ်နည်းနည်းတော့ ချန်ပေးပါ။ ပုံ ဆိုဒ်ချိုးရာတွင်ဖြစ်စေ..
ဓါတ်ပုံထုတ်ရာတွင်ဖြစ်စေ.. စက်ကဖြတ်တက်လို့ပါ။ ကြိုချန်ထားမှ
အဆင်ပြေနိုင်ပါမည်။
(၁၀) လိုအပ်လျှင် White Balance ကို ချိန်ပေးပါ။
နေပူထဲရောက်လျှင် Sunlight ၊ မိုးအုံ့နေလျှင် Cloud ၊
ဖလပ်မီးသုံးလိုလျှင် ..Flash ၊ မာကျူရီမီးရောင်အောက် ရောက်လျှင်..
Incandescent စသဖြင့် ရွေးချယ်ပြီးမှ အသုံးပြုပါ။ ဖြစ်နိုင်ရင် Auto ကို
မသုံးပါနဲ့။ ကင်မရာမင်းကြီးကို အထင်သေးသွားပါလိမ့်မည်။
(၁၁) လူပုံ ဓါတ်ပုံရိုက်သည့်အခါ သိထားသင့်သော ဆောင်ရန်/ရှောင်ရန် အချက်များ
(က) ဓါတ်ပုံအရိုက်ခံမယ့်သူ၏ မျက်လုံးများသည် ကင်မရာနှင့် အမြင့်ချင်းတူညီ ရပါမည်။
(ခ) သာမန်သူများကိုဓါတ်ပုံရိုက်သည့် အခါ တက်နိုင်သမျှ ကင်မရာကို
အပေါ်စည်းမှ မရိုက်သင့်ပါ။ မဖြစ်မနေ ရိုက်ရပါက
ဓါတ်ပုံအရိုက်ခံမည့်သူကို ကင်မရာအား
မော့ကြည့်ခိုင်းရပါမည်။ထိုကဲ့သို့ပင် အောက်မှလည်း ပင့်မရိုက်သင့်ပါ။
အကယ်၍ ပင့်ရိုက်ချင်ပါက Model ကို ကင်မရာဘက်သို့ ငုံ့ကြည့်ခိုင်းရပါမည်။
(ဂ) Model သည် ကိုယ်ခန္ဓာ ထွားပြီး " Õ " နေတယ်ဆိုရင် ကင်မရာကို
ရှေ့တည့်တည့်မှ မရိုက်သင့်ပါဘူး။မဖြစ်မနေရိုက်ရ
မည်ဆိုလျှင် လက်ထဲတွင် အကူပစ္စည်း တစ်ခုခု (ဥပမာ-ပန်းစည်း)
ကိုင်ခိုင်းပြိးမှ ရိုက်သင့်ပါသည်။ ပန်းခြံ လိုနေရာမျိုး
တွင် ဓါတ်ပုံရိုက်မည်ဆိုလျှင် ပန်းခြုံ နှင့်ကွယ်ပြီးမှ
ဓါတ်ပုံရိုက်သင့်ပါတယ်။ အုပ်စုပုံ ရိုက်မည် ဆိုလျှင်လည်း ဘေးဘက်
အစွန်ဆုံးနေရာများတွင် " Õ " သည့်သူကို မထားသင့်ပါ။ကင်မရာ၏
မှန်ဘီလူးကြောင့် ဘေးဘက်တွင်ရှိသောသူကို ပိုပြီး
" Õ " စေနိုင်ပါသည်။ ကင်မရာ ပို အနည်းငယ် အပေါ်စီးမှထားပြီး
ရိုက်သင့်ပါသည်။ ထပ်မံသိသ့င်သည်မှာ " Õ "
သောသူကို ဘယ်တော့မှ ကင်မရာကိုအောက်မှ ပင့်ပြီး မရိုက်သင့်ပါ။
(ဃ) ဓါတ်ပုံရိုက်ခံမည့်သူသည် " uိန် " တယ်ဆိုပါက ကင်မရာကို
ရှေ့တည့်တည့်မှ ရိုက်သင့်ပါသည်။
(င) လူပုံတွေကို ဓာတ်ပုံရိုက်သည့်အခါ မရိုက်မီ ကိုယ်ရိုက်မည့်သူ၏
အားနည်းချက် အားသာချက်များကို ရှာဖွေကြည့်ရှုသင့်
ပါသည်။တချို့သူတွေ၏ မျက်နှာများသည် ဘယ်ဘက်မှ ရိုက်ရင်လှနေပြီိး၊
တချို့သောသူများကတော့ ညာဘက်မှရိုက်မှ
လှတာမျိုးရှိသည်ကို သိရှိလေ့လာထားရန်လိုပါသည်။

ဒီတစ်ပတ်အတွက် အထူးလက်ဆောင်ကတော့ မင်္ဂလာမောင်မယ်များအတွက်
ရိုက်ကူးရေးဆိုင်ရာ ရိုက်ခွင်တွေကို ဖော်ပြ ပေးလိုက်ပါတယ်။
(၁) သတို့သား နှင့်သတို့သမီး ကင်မရာကိုတည့်တည့်ကြည့်နေပုံ ၊
တစ်ဦးကိုတစ်ဦး စိုက်ကြည့်နေပုံ
(၂) သတို့သမီး တစ်ဦးတည်း အလှပုံ ၊ သတိုးသား တစ်ဦးတည်း
(ခပ်သန့်သန့်လေးပေါ့ဗျာ) အခန့်ပုံ ။
(၃) သတို့သား ၊သတို့သမီး နှင့် လူပျိုရန် ၊ အပျိုရန် များနှင့် ပုံ
(၄)မင်္ဂလာမောင်မယ်နှင့် နှစ်ဖက်မိသားစုများ တွဲပါလျှက် မင်္ဂလာအုပ်စုပုံ (
၃/၄ ) ပုံလောက်ရိုက်ထားပါ။
(၅)ဧည့်သည်များနေသားတကျထိုင်နေကြသည့် မြင်ကွင်းဓါတ်ပဲ။
(၆) မင်္ဂလာမောင်မယ်တို့က ဧည့်သည်များကို ကြိုဆိုနှုတ်ဆက်နေပုံ ၊ ဧည့်ခံနေပုံ။
(၇) သတို့သမီးနှင့် အပျိုရန်များ ၊ ကျောင်းနေဘက်များ ၊ သူငယ်ချင်းများ ၊
တူ တူမ များနှင့်ပုံ ။
(၈) သတို့သားနှင့် သူငယ်ချင်းများ ၊ကျောင်နေဘက်များ၊ ညီအကို မောင်နှမများနှင့်ပုံ။
(၉) သတို့သမီး မိတ်ကပ်လိမ်းပြီးပုံ ၊ ကားပေါ်တက် /ဆင်းလာပုံ။
(၁၀) မင်္ဂလာမောင်မယ်တို့ ခန်းမထဲသို့ဝင်ရောက်လာပုံ။
(၁၁) မင်္ဂလာမောင်မယ်တို့ တစ်ဦးကို တစ်ဦး ကြည်နူးစွာ စားသောက် (ခွံ့ကျွေး)နေပုံ။
(၁၂) မင်္ဂလာမောင်မယ်နှင့် မိဘများ စင်မြင့်ပေါ်တွင် ထိုင်နေသောပုံ။
(၁၃) လက်ဖွဲ့ကောင်တာမှ အလှပဂေးများနှင့် မင်္ဂလာမောင်မယ် တွဲလျှက်ပုံ ၊
လက်ဖွဲ့များနှင့် ဘေးတစ်စောင်းပုံ။
(၁၄) ပွဲပြီးမှ နှစ်ဖက်မိဘ ရှိခိုးကန်တော့နေပုံ ၊ သြ၀ါဒ ခြွေနေသောပုံများ။
(၁၅) လက်ဖွဲပစ္စည်းများ ဖောက်နေသောပုံ ၊ အိပ်ယာခန်းထဲတွင်ဖြစ်ပါက ပိုကောင်းပါသည်။
(၁၆) မင်္ဂလာမောင်မယ်များ မင်္ဂလာအာဘွားပေးပုံ ။
(၁၇) လာရောက်ကူညီသော မိတ်ဆွေများနှင့် အမှတ်တရပုံ။
(၁၈) မင်္ဂလာ ရွှေကြိုးတား ၊ခဲဖိုးတောင်းနေသောပုံ.။ ကင်မရာမင်းကြီးက
ရှေ့သို့ ကြိူသွားပြီး ရိုက်ပါ။
(၁၉) မင်္ဂလာပန်းကြဲနေသောပုံ ၊ မင်္ဂလာမောင်မယ်များ လျှောက်လှမ်းလာသောပုံ..။
(၂၀) ကိုယ်တစ်ပိုင်း အလှပုံများ ။
အဲ့ဒါတွေက မပါမဖြစ်ပါရမယ့်ပုံအမျိုးအစားတွေပါ။ ကင်မရာမင်းကြီးက
ကြိုတင်လေ့ကျင့် မှတ်ထားရမှာဖြစ်ပြီး ၊ မင်္ဂလာ မောင်နှံနှစ်ဖော်နှင့်လည်း
ကြိုညှိထားရန် လိုအပ်ပါသည်။

ဓါတ်ပုံ ရိုက်ကူးရေးအတွက် ဆက်သွယ်လိုပါက
နန်းညွန့်ဦး ( ဖုန်း -၀၁ . ၈၁၀၀ ၄၆၅ ) သို့ဆက်သွယ်နိုင်ပါသည်။
နယ်အောက်ဒိုးဖြစ်ပါက ခရီးသွားလာစရိတ်နှင့် အထွေထွေစရိတ်များကို
တာဝန်ယူရပါမည်။
Email : nnophoto@gmail.com , kokohmawsayarlay@mawcity.com