ကြားလိုက်ရတော့ ပျော်ဝင်သွားပါသည်။ ကျွန်တော် ဖုန်းသံကို
မျှော်နေမိပါသည်။ဝမ်းသာအားရသွားကိုင် လိုက်ပါသည်။ သူဆိုတာကို ကျွန်တော်
သေချာသိနေပါသည်။
"ဟယ်လို"
"ပြည့်စုံ ပျော်နေလား။"
"အင်း ဟုတ်တယ်..ဖုန်းသံကြားလိုက်ရလို့ပျော်သွားတာ။"
"မျှော်နေတယ် မလား..။သိတယ်နော်။"
"ကျွန်တော်မျှော်နေတာကို သိတယ်..ဟုတ်လား"
"သြော်..ယုံသေးဘူးနဲ့တူတယ်။"
"ယုံပါတယ်..။ကျွန်တော်ဒီနေ့ဘာလုပ်လဲ"
"မေးတိုင်းဖြေမယ်လို့ ပြည့်စုံက ထင်ထားတာလား။ ဒါမှမဟုတ် မယုံလို့မေးတာလား။"
"ဒါဆို ကျွန်တော် တစ်ခုပြောမယ်နော်..။"
"အင်း..ပြောလေ.."
"ကျွန်တော်..နတ်သမီးနဲ့တွေ့ချင်တယ်။ ရနိုင်မလား။"
"ရနိုင်ပါတယ်.."
"ဒါဆိုဘယ်လိုလုပ်ရမလဲ..ပြောပြပါလား"
"လွယ်လွယ်လေးပါ။ ရက်ပေါင်း(၆၀) တိတိ ဈေးရှေ့မှာ နတ်သမီးနဲ့တွေ့ချင်တယ်လို့
တစ်နေ့ကိုအကြိ်မ်ရေ(၆၀)တိတိ သွားရွတ်လိုက်ပါ။ ခစ်..ခစ်"
"ဟာ..ကျွန်တော် ပြောခဲ့တာကြီးလာပြောနေတယ်။"
"ဟုတ်လား..သိပါဘူး"
"ကဲပါ..တွေ့ချင်တယ်..ပြောပြကွာ.."
"မပူပါနဲ့..ပြည့်စုံရယ်..အချိန်တန်ရင်တွေ့ရမှာပါ။ ပြည့်စုံနဲ့
နတ်သမီးနဲ့ကတွေ့ဖို့ကံပါပါတယ်။"
"ဟုတ်လား…သေချာလား။ ဘယ်တော့လဲ"
"အသေခံသွားမယ်..ပြောဘူး.."
"ဒီလိုကြေးလား ရတယ်လေ..နတ်သမီးကို ကျွန်တော်ရအောင်ရှာမယ်…မြင်အောင်ကြည့်မယ်။"
"နတ်သမီးနဲ့ ဗေဒင်ဆရာမလေးဟာ အတူတူပဲလို့ ကျွန်တော်ထင်ထားတယ်။မေတ္တာမှန်ရင်
တွေ့မှာပဲလေ."
"ဟုတ်ပြီလေ..မှော်ဆရာလေး..ပညာတွေအစုံသုံးပေတော့"
"မှော်ဆရာလေး ..နတ်သမီးကိုတွေ့မယ့်နေ့ကို စောင့်နေမယ်လေ..တာ့တာနော်..။"
ဖုန်းချသွားပါသည်။အွန်ပေါ်မှာတုန်းက လာမေးသော နတ်သမီးဟာ
သူလားဆိုတာကိုတောင်မမေးလိုက်မိဘူးဗျာ.။
အခန်း (၁၁)
ဒီနေ့တော့ ဘာမှ လုပ်ချင်စိတ်မရှိပါ။ ရှာဖွေလေ.တွေ့ရှိလေ..မဖြစ်ဘဲ.။
ရှာဖွေလေ..မတွေ့ရှိလေ။ ဖြစ်နေပါသည်။
ရန်ကုန်တစ်မြို့လုံးလည်း ဖွတ်ဖွတ်ညက်ညက်ကြေနေပါပြီ။ မိုးပေါ်မြေအောက်
အကုန်ဖွင့်ရှာတာတောင်မှ မတွေ့နိုင်ပါ။ ဟူး…
ဘယ်မှာလဲ ..နတ်သမီးရေ..။ ငါ့ကိုလည်းပြန်ကြည့်ပါဦး..။
တစ်ကယ်ရှာတဲ့နေ့တွေမှာ..မင်းဆီက ဖုန်းလည်းမဆက်..
အရိပ်အရောင်လေးတောင် မမြင်ရတော့ ငါ ရူးချင်လာပြီကွာ..။
"ပြည့်စုံရေ..ငါတော့ ခြေတိုချင်နေပြီ"
"တောင်းပန်ပါတယ်သူငယ်ချင်းတို့ရယ်..ငါ့ အိမ်မက်လေးကို အကောင်အထည်ပေါ်ချင်လို့ပါ။"
"အေးပါသူငယ်ချင်းရယ်..ကောက်ရိုးပုံထဲက အပ်ကမှ
ရှာလို့လွယ်ချင်လွယ်ဦးမယ်။မင်းဟာကမလွယ်လို့ပါ။"
"ရှာရမှာ ငါ့တာဝန်လေ..တွေ့ချင်တာကိုးကွ။"
မင်းကို က ပြောလာပါသည်။
"ငါတို့ လူခွဲရှာရင် ကောင်းမလား။"
ကျော်စွာက ပြောလာပါသည်။ တင့်ဆန်းကလည်း ..
"အေးလေ..ဒီနေ့မင်းကိုငါတို့ ကူညီနေတယ်လေ..လူခွဲရှာရင် ပိုကောင်းတာပေါ့"
"တွေ့နိုင်ခြေ ရာခိုင်နှုန်းများတယ်လေကွာ..ဘယ်လိုလဲ"
ပြောလည်းရမှာ မဟုတ်တဲ့အတူတူ လက်ခံလိုက်ရပါတော့သည်။ ဒါကြောင့် ကျွန်တော်ကလည်း
"အေးကွာ..ညနေ(၆)နာရီမှာ ပြန်ဆုံကြမယ်။တွေ့ရင် တွေ့တဲ့သူက
ဖုန်းလှမ်းဆက်လိုက်။အမြန်လာခဲ့မယ်။"
ကျော်စွာ၊တင့်ဆန်း၊မင်းကို တို့ တာဝန်ကိုယ်စီခွဲပြီး
ထွက်သွားကြပါတော့သည်။ ကျွန်တော်ကတော့ ဥတ္တရယာဉ်စွန်းတန်းကို ရှာဖွေဖို့
တာဝန်ပေးခြင်းကို ရရှိလိုက်ပါသည်။ ရှာရမှာပေါ့လေ..မတွေ့မချင်းပေါ့။
လမ်းခွဲကြတော့ နေ့လည်(၂) နာရီထိုးနေပါပြီ။ လိုက်ရှာတာ ညနေ
(၄)နာရီကျော်သည်အထိ မတွေ့သေးပါ။
စိတ်ညစ်ညစ်နှင့် သွားမိသွားရာ ထွက်လာခဲ့ရာ ဆိပ်ကမ်းဘက်သို့ရောက်လာပါသည်။
တစ်ဖက်ကမ်းသို့ ပြန်မည့် သူများကို ကြည့်ရင်း လေညှင်း၏အေးမြမှုကို
ခံစားနေမိပါသည်။ ရင်ထဲကအပူမီးကိုတော့ မငြိမ်းနိုင်သေးပါ…။
နတ်သမီးရေ…။ မင်းဘယ်မှာလဲကွာ…။
ညက မှောင်သည်ထက်မှောင်လာပါသည်။ ကျွန်တော်လည်း ရှာလို့ကို
မတွေ့နိုင်သေးပါ။ နာရီကိုကြည့်မိတော့ ကိန်းဂဏန်းတွေက
၂၁နာရီကျော်နေကြောင်းကို ပြနေပါသည်။ ဖုန်းလည်း ၀င်လာပါသည်။ကျော်စွာတို့က
မင်းဘယ်မှာလဲဟု မေးနေပါသည်။ ကျွန်တော်ရှိနေသောနေရာကို ပြောပြလိုက်ရင်း
ထိုနေရာမှာပဲ စောင့်နေလိုက်ပါသည်။
လူလည်း စိတ်ထွေထွေနှင့် ဆိပ်ကမ်းအနားရှိ အုတ်ခုံပေါ်မှာ
လဲအိပ်နေလိုက်ပါသည်။ ကျွန်တော့်မျက်လုံးများက ကောင်းကင်ပြင်ကြီးကို
မော့ကြည့်ရင်း တွေ့လေးမလားဟု တွေးနေပါသည်။
ကျွန်တော်ဘယ်လောက်တွေးနေလဲတော့ မသိပါ။ ကျော်စွာ
ပုခုံးကိုလှုပ်နှိုးလိုက်မှ သတိဝင်လာပါတာ့သည်။
"ဟေ့ကောင် အိပ်လို့မှပျော်ရဲ့လား"
"ဘယ်အချိန်ကတည်း အိပ်နေလဲမှ မသိတာ"
"လမ်းဘေးမှာ အိပ်ရတာထက်တော့အများကြီးတော်မှာပေါ့။"
ကျွန်တော်လည်း လာဖောက်နေတဲ့ သူငယ်ချင်း သုံးယောက်ကို
..ဘာမှမပြောလိုက်ပါဘူး။ မွေ့ယာပေါ်အိပ်မှ မဟုတ် ပါဘူး။
ကျောက်လမ်းပေါ်အိပ်သူကလည်း နတ်သမီးအိပ်မက်ကို မက်ခွင့်ရှိပါတယ်။ ဒါတွေကို
သူတို့ သိပုံမပေါ်လို့ ကျွန်တော် လည်း ဘာမှမပြောလိုက်ပါဘူး။
သူတို့နဲ့အတူပြန်လာရင်း အတွေးတွေဝေေ၀စီစီ နှင့်လိုက်လာခဲ့ပါသည်။
တစ်လမ်းလုံးစကားမပြောသော ကျွန်တော့် ကို လည်း သူတို့က..
"နတ်သမီးက ဖမ်းစားသွားပြီလားမသိဘူးနော်..။"
လို့ ပြောနေပါတော့သည်။
ကျွန်တော်လည်း ပြန်လာတဲ့ လမ်းတစ်လျှောက်လုံး….
နတ်သမီး…
နတ်သမီး…
နတ်သမီး…
နတ်သမီး… ဟုသာ တွင်တွင်ရေရွတ်နေမိပါတော့သည်။
အခန်း (၁၂)
မနက်စောစောသာရှိပါသေးသည်။ ဖုန်းလာတယ်ဟု မေမေကပြောပါသည်။အခန်းထဲသို့လွှဲလိုက်ရာ..
"ဟယ်လို..နိုးနေပြီမလား"
"ဟုတ်ကဲ့..နိုးနေပါပြီ"
"တွေ့အောင်လည်းမရှာဘူး"
"ရှာတာပဲ..တွေ့မှမတွေ့တာကို.."
"သဲလွန်စပေးမယ်..သေချာရှာလေ…"
"အင်း..စိတ်ဝင်စားတယ်..ဒါပေမယ့်မပေးနဲ့။"
"ဘာလဲ..သိက္ခာကျတယ်ထင်မှာစိုးလို့လား"
"ဟုတ်တယ်"
"ပြည့်စုံကလည်း..ရယ်ရတယ်နော်"
"ဘာလို့ ? "
"ဒီကတွေ့စေချင်လို့ဟာ.."
"အကြွေးတင်ရင် အကျေဆပ်ရတာ..သိလား။"
"အင်း…သိတယ်။နက်ဖန်လာခဲ့လေ..ဆပ်မှာပေါ့..။"
"ဘယ်နေရာကိုလာရမှာလဲ"
"ရတယ်..လာချင်တဲ့နေရာကို လာခဲ့ ။စောင့်နေမယ်..ဟုတ်ပြီလား။ သနားလို့နော်..ခစ်..ခစ်"
"သနားစရာမလိုပါဘူးဗျ..ရပါတယ်"
"အင်းပါ..ဖုန်းချလိုက်တော့မယ်။လာခဲ့နော်"
နက်ဖန်ကိုတွေးကြည့်ပြီး ရင်တော့နည်းနည်းခုန်သွားပါသည်။ ထို့ကြောင့်
ကိုယ့်ရင်ဘက်ကို ကိုယ်ပြန်စမ်းကြည့်မိ ပါသည်။
ဟုတ်တယ်..ချစ်တယ်..ချစ်တယ်တဲ့..။
အချစ်ဆိုတာ..ဘာနဲ့တူလဲဆိုတော့….ဘာနဲ့မှမတူဘူးဗျ..။
ဟုတ်တယ်လေ..တစ်ခုခုနဲ့တူနေရင် အချစ်ဆိုတာကြီးက
ပုံတူပစ္စည်းကြီးဖြစ်နေမှာပေါ့။ ရှင်းရှင်းလေးရှင်းပြမယ်..။အချစ်ဆိုတာ
…ဘာမှ မဟုတ်ဘူး..။ အချစ်ပဲ..။ ဟိုအရင်တုန်းက ကျွန်တော့်ကိုမေးဖူးတဲ့
မေးခွန်းလေးကို ပြန်ဖြေပြရရင်..ဒီလိုပါ။
ကိုပြည့်စုံ(ခ)ကိုကိုမှော်ဆရာခင်ဗျာ..
ကျွန်တော်မရှင်းတာတစ်ခုရှိနေလို့ပါ..။ အဲ့ဒါကတော့..ကျွန်တော်က
ကောင်မလေးတစ်ယောက်ကိုချစ်မိသွားတော့ ချစ်ကြောင်းကြိုက်ကြောင်းတွေ
ပြောမိတာပေါ့ဗျာ..။ ဘယ်လိုချစ်ပါတယ်..ဘာညာပေါ့ဗျာ..။ တစ်ခုပြီးတစ်ခု
ပုံခိုင်းနှိုင်းပြီး ပြောတာပေါ့လေ..။ သူကတော့
ကျွန်တော်ပြောတာပြီးအောင်နားထောင်ပါတယ်။ ပြီးသွားတော့မှ နင်ပြောတာ
အချစ်တစ်ခု မှမပါဘူး။
တစ်ကယ်ချစ်တက်မှပြန်လာခဲ့ဆိုပြီးလှည့်ထွက်သွားပါတယ်။
သူပြောတာကို ကျွန်တော်နားမလည်ဘူးဗျ။ ကျွန်တော်ကတော့ တစ်ကယ်ချစ်တာပါ။
ဒါပေမယ့် သူကတော့ လုံးဝ လက်မခံဘူးဗျာ..။ကျွန်တော် ဘာမှားသွားလဲ..မသိဘူး။
ဆရာသိရင်လည်း ကျွန်တော့်ကို ကူညီပါဦးဗျာ..။ကျေးဇူးမမေ့ပါဘူး။
ငြိမ်းစည်သူ..တဲ့။
အဲ့လိုမေးထားတာပါ..။ သူမေးထားတာကတော့ အရှည်ကြီးရေးပြီး မေးထားတာပါ။
ကျွန်တော်ကတော့ လို-တို-ရှင်း ရေးထား တာပါ။ အမှန်တော့ သူနားမလည်လို့ပါ။
ချစ်လို့ပါပဲ…။ ရှင်းရှင်းလေးပါ..ချစ်တာက ချစ်လို့ပါ။တခြားဟာတွေမပါပါဘူး။
ကျွန်တော်လည်း ခဏလေးအတွင်းမှာချစ်မိသွားတာပါ။
အချိန်အများကြီးယူဖို့တောင်မလိုပါဘူး။ ချစ်မိသွားတာပါပဲ။
အဲ့ဒီတော့..နက်ဖန်ကို မျှော်နေရတာပေါ့လေ..။ ဘယ်မှာရှာရမလဲတာင်
မစဉ်းစားမိသေးဘူး။
စာဖတ်သူလည်း စဉ်းစားကြည့်ပေါ့လေ…။ ကျွန်တော် ချစ်မိတာ ဘာမှားလဲ..။
ပြောစရာ တစ်ခုတော့ ရှိတာပေါ့လေ.။ နတ်သမီးကို ကျွန်တော်မမြင်ဘူးသေးဘူး။
ဗေဒင်ဟောတဲ့ဆရာမလေးနဲ့ နတ်သမီးနဲ့က အတူတူပဲလား ဆိုတာလည်း မသိသေးဘူး။
သေချာတာကတော့ မနက်ဖန်ကို လွမ်းတဲ့ညကို ကြုံတွေ့နေရခြင်းပါပဲ..။
နတ်သမီးရေ….ကောင်းကင်မှာ..ကြယ်တွေ လွင့်ဝေနေပြီလား…မြေပြင်မှာလည်း
ပန်းတွေပွင့်နေပါပြီ…ရင်ခွင်မှာ မျှော်လင့်နေတာ….နတ်သမီးလား….။
ဗေဒင်ဟောတဲ့ဆရာမလေးလား..။ ကျွန်တော်လည်း မသိတော့ပါဘူးဗျာ….။
မနက်ဖြန်ကိုလွမ်းတဲ့ည
♥ တို့နှစ်ယောက်ရဲ့ အနာဂတ်ကို..
လွမ်းကြရအောင် ကလေးရေ..။
♥ မင်းရဲ့အတိတ် ၊အဆိပ်သင့်ည
ထိုကာလကို…
အိပ်ခွင့်ထာဝရပေးလိုက်ပါ။
♥ ဒီညတော့…
မင်းရဲ့အိပ်မက်၊ မင်းရဲ့အတွေး
မင်းရဲ့ရင်ခွင်၊ သံယောဇဉ်တွေကြားမှာ
ကိုယ့်ကို…
ခိုနားခွင့်ပြုပါ။
♥ ကိုယ့်ရဲ့ရင်ခွင်ကတော့
မင်းပြုသမျှ၊ နားလည်ပြဖို့အတွက်
လှပစွာရဲဝံ့နေလိမ့်မယ်။
♥ ဒီည …
ကိုယ်မျက်ရည်ကျတယ်..
ဒါဟာ…
အနာဂတ်ကိုကြိုလွမ်းခြင်းလည်း ဖြစ်လိမ့်မယ်..။
ကံကြမ္မာကိုတောင်းပန်ခြင်းလည်း ဖြစ်လိမ့်မယ်…။
♥ ဒါမှမဟုတ်..
မနက်ဖြန်အတွက်
မင်းကို ရှာဖွေခြင်းလည်း ဖြစ်လိမ့်မယ်။
♥ မင်းလှည့်စားသွားယုံနဲ့တော့
ကိုယ်မငိုပါဘူး ကလေးရယ်..။
♥ လောကကြီးကို နားလည်ထားသူတစ်ယောက်အနေနဲ့
မင်းအပေါ် ခွင့်လွှတ်တက်ဖို့အတွက်
ကိုယ်ဘာများခက်နေလို့လဲ။
♥ မင်းမှာ…
နာကျင်စရာတွေ
ကျန်ရှိနေဦးမယ်ဆိုရင်
ကိုယ့်ကို လက်ဆောင်ပေးပါ။
♥ မင်းဟာ…
ကိုယ့်ရဲ့ လရောင်နွေး
♥ မင်းဟာ…
ကိုယ့်ရဲ့ နေရောင်ခြည်
♥ မင်းဟာ…
ကိုယ့်ရဲ့ နွေးထွေးဖော်
♥ မင်းဟာ…
ကိုယ့်ရဲ့ မနက်ဖြန်
♥ မင်းဟာ…
ကိုယ့်အတွက်
ရာသက်ပန် ကဗျာတစ်ပုဒ်ပါပဲကွယ်..။
♥ မင်း….
အိပ်မက်တွေ မက်နေလား
ဒါ…
အာရုံများကို လှည့်စားခြင်းဖြစ်တယ်..။
♥ မင်းရဲ့အိပ်မက်တွေ
လှပစေဖို့
ကိုယ့်အသည်းနှလုံးကို
ခေါင်းအုံးပြီးအိပ်ပါ။
♥ မင်းရဲ့ စကားသံချိုချိုလေးတွေကို
ကိုယ်…နားထောင်ချင်ပါတယ်။
♥ ကိုယ့်ရဲ့ စကားတွေကိုလည်း
မင်း …ကြားယောင်နေစမ်းပါ။
♥ ဒါဟာ…
မင်းရဲ့ အနာဂတ်အတွက်
ကိုယ့်ရဲ့
ချစ်ခြင်းလက်ဆောင် ဖြစ်လိမ့်မယ်။
♥ ပျော်ပါရဲ့လား ကလေး
တွေးကြည့်စမ်းပါကွယ်
ဝေးလွင့်ခြင်းနဲ့ မကြုံရစေဖို့
မင်း ….
ဘာဆုတွေ တောင်းနေသလဲ။
♥ မင်းရဲ့
ဆုတောင်းခြင်း နောက်တော်ပါးက
ကိုယ့်ရဲ့ တမ်းတခြင်းကတော့
အနာဂတ်ကို လွမ်းဆွတ်ခြင်းပဲ ဖြစ်တယ်..
♥ မင်းနဲ့ပတ်သတ်မှ
ကိုယ်
မနက်ဖြန်ကို စိတ်ဝင်စားခဲ့ပြီ။
♥ ဘာပဲဖြစ်ဖြစ်
မနက်ဖြန်မှာ မျက်နှာသစ်ဖို့
မင်းရဲ့ချစ်ခြင်းတွေ လိုအပ်တယ်။
♥ ကိုယ်….အလွမ်းဆုံးကတော့
မင်းရဲ့….
မနက်ဖြန်တွေကိုပါပဲ…..။ ။
မှတ်ချက်။ ။အဆိုပါကဗျာသည်…ဆရာ မောင်လှမျိုး(ချင်းချောင်းခြံ)
ရေးသားထားသော ကဗျာ ဖြစ်ကြောင်းရိုးသားစွာ ၀န်ခံအပ်ပါသည်။
နောက်တစ်ပတ်ကျမှ ဆက်လက်ဖတ်ရှုပါရန်…။ ဝေဖန်အကြံပေးမှုများကို မျှော်လင့်လျှက်…
စာရေးတဲ့ နန်းညွန့်ဦး ပါ..။
No comments:
Post a Comment