နတ်သမီး အယောင်ဆောင်ထားသော ထိပ်ထား နှင့် နတ်သမီး အယောင်ဆောင်ထားသော နတ်သမီး

အခန်း(၁)

လောကမှာ အထားအသို ကလည်း

အရေးကြီးတယ်..။

ကိုယ့်ကိုကိုယ် ဘယ်မှာထားသင့်သလဲ

ဆိုတာကိုလည်း စဉ်းစားထားရမယ်။

 

သိုးကျောင်းသားက ၀ံပုလွေ ကိုမွေးချင်လို့ မရနိုင်ဘူး…။ အပြစ်မဲ့ပြီး ချစ်စရာကောင်းတာ မှန်ပေမယ့် သိုးတွေ ကြားထဲမှာ ၀ံပုလွေရဲ့သားကို မထားသင့်ဘူး။

ကျနော် ဒီနေရာကို စရောက်တော့ ညနေဆည်းဆာလေးမှာပါပဲ..။ ညနေခင်းရဲ့ ရသကို ကျွန်တော်ကြိုက် တယ် ။ ခံစားရတဲ့ ရသဟာလည်း လွင်လွင်လေးနဲ့..ချိုလဲ့ပြေပြစ်တဲ့ လေပြည်ညင်းလေးကိုလည်း ခံစားသိရှိမိ တယ်။ နောက်ပြီး တစ်ကိုယ်စာ စိုယုံလေးရွာချထားတဲ့မိုးကလည်း ကျွန်တော်ရောက်တော့ တိတ်နေပြီ..။

မြို့တော်ကြီးရဲ့ မွတ်ကျပ်မှုတွေ..ဆူညံသံတွေ..ဖုန်မှုန့်တွေ..ကင်းဝေးတဲ့နေရာလေးပေါ့..။ စီးလာတဲ့ စက်ဘီး လေးကိုဒေါက်ထောက်ပြီး လမ်းဘေးအုတ်ခုံပေါ်မှာ ထိုင်လိုက်တယ်။ လှမ်းကြည့်လိုက်ရင်တော့ စိုက်ပျိုးလက်စ …. အစိမ်းရောင် စပါးခင်းတွေ..ဆက်ကျော်ကြည့်လိုက်ရင်..ဟိုးအဝေးက ညီညီညာညာ အဆင့်မြင့် အိမ်ယာကြီးတစ်ခု ..မှိုင်းပြပြသာ မြင်နေရတာပါ..။

အနည်းငယ်နောက်ကျနေတော့ ကောင်းကင်မှာ ပုဇွန်ဆီရောင်တောင်ပျောက်နေပြီး ညိုပျပျရောင် ပေါက် နေပြီ။ အညိုရောင်ကို ကျွန်တော်သဘောကျတယ်..။ ခရစ်ယာန်ဘာသာဝင်အယူအဆအရတော့ ကမ္ဘာဦးနေ့ရဲ့ ပထမဆုံး ဆည်းဆာရောင် တဲ့..။

သိပ်တော့လည်း မသိချင်ပါဘူး။

မွန်းကျပ်ရှုတ်ထွေးတဲ့ မြို့ပြလူနေရပ်ကွက်ထဲကနေ ကျွန်တော်ဒီကို မကြာခဏလာလေ့ရှိတယ်..။ ရာသီဥတု ကလည်း အဆင်ပြေတယ်..အချိန်လည်းရတယ်ဆိုရင်..ဒီဘက်ကို တစ်ယောက်တည်းလာတယ်..။အဖော်တွေလည်း သိပ်မခေါ်ချင်ပါဘူး..။ ကျွန်တော့်ကို သာယာမှုပေးနိုင်သူတွေထဲမှာ သိပ်မပါတဲ့သူတွေပေါ့..။ထားလိုက်ပါ.. အဲ့ဒါတွေ..။

ပြောချင်တာက ကျွန်တော့်ဆီကိုမှ တည့်တည့်လာတဲ့ ပြဿနာတွေအကြောင်းပါ။

ကိုယ့်စိတ်နဲ့ကိုယ်သာယာနေတုန်း ကျွန်တော့်ဆီကို တည့်တည့်ပြေးလာတဲ့ ဘောလုံးတစ်လုံးကို ရိပ်ကနဲ မြင်လိုက်တော့ လှမ်းရှောင်လိုက်ပါတယ်။ မလွတ်တော့မှန်းသိသွားတော့ ပုတ်ထုတ်လိုက်ပါတယ်..။ ကျသွားတာက တစ်ဖက်က မြောင်းထဲကို…

ဘောကန်နေတဲ့လူကြီးတွေ ပြေးလာပြီ ကျွန်တော့်ကို ဘောလုံးပြန်ကောက်ခိုင်းတယ်..။ ကျွန်တော်က မကောက်ပေးနိုင်ကြောင်း ပြောတော့ သိပ်မကျေနပ်ကြဘူး။ တစ်ချို့ကလည်း ရန်စောင်ချင်နေတဲ့ ပုံစံတွေနဲ့..။ မင်းကြောင့်ကျသွားတာလို့လည်း ပြောတဲ့သူက ပြောကြတယ်..။

ကျွန်တော် အခုချိန်မှာတော့ စကားတွေ အများကြီးမပြောချင်လို့ စက်ဘီးကို ဒေါက်ပြန်ဖြုတ်ပြီး လှည်ထွက် လိုက်တယ်..။ တစ်ယောက်ကတော့ ကျွန်တော့်စက်ဘီးကို လှမ်းဆွဲထားတယ်..။ ကျွန်တော်လှည့်ကြည့်လိုက်တော့ သူတို့ထဲက တစ်ယောက်က တားချိန်နဲ့တိုက်ဆိုင်သွားပြီး စက်ဘီးကို လွတ်ပေးလိုက်တယ်။

ကောက်တဲ့သူကလည်းဘောလုံးကို ကောက်ပြီးသွားပါပြီ..။ ဘာကိုမကျေနပ်မှန်းမသိတဲ့သူတစ်ချို့ကတော့ ပါးစပ်ထဲမှာလျှာကို ဗျောက်အိုးလိုလုပ်ဖောက်ရင်း ကျန်ရစ်နေခဲ့ကြတယ်။ ကျွန်တော်ဘက်ကတော့ အေးအေး ဆေးဆေး ပါပဲ..။

တစ်ကယ်တော့ဘယ်ပစ္စည်းကို ဘယ်မှာထားရမလဲဆိုတာ ကျွန်တော်က သိပါတယ်။ လောကကြီးမှာ သူတို့ဟာ လူသားတစ်ယောက်ရဲ့ အထားအသိုဖွဲ့စည်းမှု အတက်ပညာကို မတက်သေးပါဘူး။ ဒါကြောင့်လည်း ကျွန်တော့်ကို ဒီလိုတွေ လာပြောနေတာပေါ့..။

 

အခန်း (၂)

          ဒီနေ့တော့ ၇ွာဆော်ရယ်..ဂဏန်းရယ် ကျွန်တော်နဲ့အတူပါလာပါတယ်။ကျွန်တော် ရူးသမျှလိုက်ရူးကြမလို့ပါ။ သွားတာကတော့ အရင်နေ့ကနေရာကို မဟုတ်တော့ပါဘူး။ နောက်တစ်နေရာကိုပါ..။

          လမ်းမှာတင်ရှိနေတုန်း ဂဏန်းက ကျနော့်ကို မေးပါတယ်..။

          "ရန်နိုင်..မင်းဟို့နေ့က နေရာကိုသွားဦးမလား" တဲ့..။

          "လမ်းတစ်လမ်းကိုရောက်ဖို့က လမ်းတစ်လမ်းတည်းရှိတာမဟုတ်ဘူး ဂဏန်း။ လမ်းပေါင်းများစွာရှိတယ်.။ လျှောက်တက်ဖို့ပဲလိုတယ်။ နောက်ထပ်လမ်းတစ်လမ်း မရှိဘူးလို့ ထင်ရင်..လမ်းအသစ် ဖောက်နိုင်ရမယ်လေ"

          ဂဏန်းကတော့ နားလည်ပုံမရပါဘူး..။ ရွာဆော်ကတော့ ရယ်နေပါတယ်..။ ဂဏန်းကိုလည်း လျှာရှည် တဲ့ကောင် ခံလိုက်လို့လည်း ပြောလိုက်ပါတယ်..။

          ကျွန်တော်တွေးနေတာက အခုလို မှောင်ရီပျိုးနေတဲ့ ညနေခင်းတစ်ခုဟာ ခွဲခွာဖို့ကောင်းနေတဲ့ အချိန်ပေါ့။ ကောင်းကင်မှာ ငှက်ကလေးတွေကလည်း အိပ်တန်းပြန်ပြီ။ ပတ်ဝန်းကျင်ကလည်း လင်းတပို့ပို့ မှောင်တရီရီနဲ့ မပီ ၀ိုးတ၀ါးကြီး။ ဆည်းဆာရောင်ရဲ့ လွမ်းစရာကောင်းမှုကို ဘယ် Technicolor ကမှ မယှဉ်နိုင်ဘူး။

          ပြောလိုက်မိတယ် ထင်တယ်..။

          "အဲ့ဒီလိုအချိန်မျိုးမှာ ခွဲရတော့မယ့် ချစ်သူနှစ်ယောက် လမ်းကလေးတစ်လမ်းမှာ ခေါင်းငုံ့ပြီး လမ်းလျှောက် လာရတာ ဘယ်လောက်ကြေကွဲစရာ ကောင်းမလဲ"

          ကျွန်တော့ စကားဆုံးသွားတော့ အားလုံး တိတ်ဆိတ်နေတယ်..။ သူတို့ကကော ဘာကိုလွမ်းနေတာလဲ။ သူတို့ကော ဘယ်သူ့ကို  ခွဲခဲ့ရဖူးလဲ။

          မာယာတွေ ရစ်သိုင်းလွမ်းချုံထားတဲ့ လောကဓံတရားကြီးထဲမှာ ဘယ်လူသားမှ  ဒဏ်ရာမကင်းပါခဲ့ဘူး။ ကြောက်စရာကောင်းတဲ့ ခွဲခွာခြင်းတွေလည်း ရှိနေပါသေးတယ်။

          ကျွန်တော်တို့သွားနေတာက ဘူတာရုံတစ်ရုံ အောက်ကိုပါ။ စကားကို ဆက်ပြောလိုက်ပါသည်။

          "အခုလို ဘူတာရုံတစ်ရုံ ရဲ့ ညဘက်မှာပေါ့ကွာ ။ဒီလို အချိန်မျိုးပဲ ဆိုပါစို့ ။လူကလည်း အခုလို မစည်ကား ဘူးကွာ။ တစ်ယောက်စ နှစ်ယောက်စပဲရှိတယ်။ အဲ့ဒီလို ဘူတာရုံထဲမှာ ခွဲရတော့မယ့် ချစ်သူ နှစ်ဥိး ရှိနေတယ် ဆိုကြပါတော့"…။

          စကားကိုခဏနားလိုက်ပါသည်။ မောလာလို့ပါ..။ ပြောနေရင်းနဲ့ ကျွန်တော်မောနေပါသည်။ ပြီးမှ…

          "တစ်ယောက်က ပြန်ရတော့မယ်။ တစ်ယောက်က ကျန်နေရစ်ခဲ့မယ်။ ဘ၀မှာ ဘာဆက်ဖြစ်မလဲ ဆိုတာလည်း မသိရသေးဘူး။ မကြာသေးခင်ကမှ ရှိနေတဲ့ သူ့ အဖော်လေး ..အခုမရှိတော့ဘူး။ အပြန်လမ်းကို သူတစ်ယောက်တည်း ပြန်ရတော့မယ်။"

          ဆက်မပြောချင်တော့ပါ..။ သက်ပြင်းကြမ်းကြမ်းကိုသာ ချလိုက်မိပါသည်။ ရွာဆော်နှင့် ဂဏန်း နှစ်ယောက် စလုံး အတွေးကိုယ်စီ နှင့် ငြိမ်သက်သွားပါသည်။ သုံးယောက်စလုံး စကားသံတွေ တိတ်ဆိတ်သွားပါတော့သည်။ အားလုံးရဲ့ ရင်ထဲမှာ ဆွတ်ပျံစိတ်ကလေးနှင့် လွမ်းသွားကြပါသည်။

          ခရီးသည်တွေကတော့ တက်လိုက်ကြ..ဆင်းလိုက်ကြ နဲ့ပါ..။

          ခဏကြာတော့ ကျွန်တော့်တို့ ပြန်လာကြပါသည်။ ကျွန်တော့်ကအားနေရင် အဲ့ဒီလို ဘူတာရုံမှာလည်း သွားထိုင် တက်ပါတယ်..။ စိတ်ကူးတွေ အိုင်ဒီယာတွေနဲ့ အလုပ်လုပ်နေရတဲ့ ကျွန်တော်ရဲ့အကျင့်လို့ သတ်မှတ်ပြီး ဂဏန်းနဲ့ ရွာဆော်ကတော့ ဘာမှ မဝေဖန်ကြပါဘူး။

          ကျွန်တော်လည်း မကြာခဏ ဦးနှောက်တွေ မောင်းညောင်းလာရင် စိတ်သက်သာရာရဖို့အတွက် ရုပ်ပိုင်း ဆိုင်ရာ အေးချမ်းမှု နှင့် စိတ်ပိုင်းဆိုင်ရာအေးချမ်းမှုကို ရှာလေ့ရှိပါတယ်..။ အခုလိုနေရာတွေကို လာရတာ ကျွန်တော် အေးချမ်း ပါတယ် ။

          အပြန်ကျတော့ ကောင်မလေးနာမည်က ဘယ်သူတုန်းလို့ ရွာဆော်ကမေးပါတယ်။ ကျွန်တော်ပြုံးနေမိ ပါတယ်။ ဟိုးတုန်းက အရိပ်လေးကိုလည်း ပြန်မြင်ယောင်နေမိပါတယ်..။ ကျွန်တော့်ဆီက အသံထွက်မလာတော့ ပခုံးကို ပုတ်ပြီး မေးပြန်ပါတယ်။ လွတ်ကနဲ ခုန်ပေါက်ထွက်သွားပါသည်။

          "Angel "

          ဟမ်

          မကြားမိဘူးထင်ပါရဲ့။ထပ်ပြောလိုက်ပါသည်။  နတ်သမီး လို့လေ..။

          ပထမဦးဆုံးအကြိမ်အဖြစ်တော့ တွေ့ပြီးပါပြီ။ သတိတရနဲ့ ပြောပြမိတော့ ရွာဆော်နဲ့ ဂဏန်းက ရယ်ကြပါသည်။ ပြီးမှ…

          "ထပ်တွေ့ကြဦးမှာလား။မင်းတို့ဟာကလည်း သရေပွဲကြီး"

          ကျွန်တော်လည်း တွေဝေနေပါသည်။ ပြီးမှ တစ်လုံးချင်းပြောလိုက်ပါသည်။

"ကံကြမ္မာ ဒိုင်လူကြီးဆီမှာ အချိန်ပို ထပ်တောင်းပြီး လိုက်သွားရဦးမှာပေါ့ကွာ.."

 

 

အခန်း (၃)

          ကျွန်တော့်စိတ်တွေ မှိုင်းဝင်နေပါသည်။ ဘာကိုမှ ဝေခွဲလို့မရပါ။ ကျွန်တော် တုန်ယင်နေတာ ကျွန်တော် သိနေပါသည်။ ညနေခင်းတွေကို ကျွန်တော်လွမ်းတက်နေတာကြာပါပြီ..။

          လွမ်းတယ်…နတ်သမီးရယ်..။

          ကျွန်တော် ချစ်မြတ်နိုးစွာ ခွဲခွာခဲ့ရတဲ့ မိန်းမပျို..။ မမေ့နိုင်ဘူး..။ ဘယ်တော့မှ မမေ့ဘူး။ ကျွန်တော့်ရင်ခွင် ထဲမှာ တအိအိ ပြိုဆင်းနေတယ်..။ ဒီလိုနဲ့ပဲ ပြီးဆုံးသွားရတော့မှာလား။

          လရောင်းပါးပါးလေးအောက်က အုတ်ခုံလေးက ဆွေးမြေ့ကြေကွဲဖွယ်ရာ တိတ်ဆိတ်နေတယ်..။ ကောင်းကင်ကို မော့ကြည့်မိတယ်။ နတ်သမီးကိုများ တွေ့လေမလား..။ စိတ်ကူးထဲကနတ်သမီးဟာ စိတ်ကူးထဲမှာပဲ ပြီးဆုံးရတော့မှာ လား။ တစ်ယောက်ယောက်လာပြီး ဖြေပေးစေချင်တယ်..။ ကျွန်တော် မရှင်းတက်တော့ဘူး ဖြစ်နေတယ်..။

          နတ်သမီးဟာ..ကျွန်တော့်အတွက်တော့ တစ်ကယ်ရှိနေတာပါ..။ ကျွန်တော် တစ်ယောက်တည်း ရေးနေ.. တွေးနေချိန်တွေဟာ..သူနဲ့အတူရှိနေချိန်တွေပေါ့.။ တစ်ယောက်တည်း တိုးတိုးရေရွတ်မိတယ်…။

          "နတ်သမီးရေ.."

          "ထိပ်ထားရေ.."

          မန္တလေးက ကျူံးကြီးရှိနေသမျှ..ကျွန်တော့်ရင်မှာ အနုပညာဓါတ်တွေ ရှိနေသမျှ ..ကျွန်တော်..သူ့ကို ချစ်နေ သမျှ..ကာလပတ်လုံး…

          သူ ကံအဆင့်ဆင့်မှာ မြင့်သည်ထက် မြင့်လာပါလိမ့်မယ်။ ပျော်ရွင်ချမ်းမြေ့နေပါလိမ့်မယ်..။

          သူတင်မကပါဘူး။ သူနဲ့ ပတ်သတ်တဲ့ ပတ်ဝန်းကျင်..သူ့အပေါင်းအသင်းတွေပါ..ချမ်းမြေ့နေပါလိမ့်မယ်။ အများကြီး မစွမ်းဆောင်နိုင်ပေမယ့်..သူနဲ့သူပတ်ဝန်းကျင်အတွက်.. ကျွန်တော့်မှာ ရှိသမျှ အတက်ပညာတွေ..စိတ် စွမ်းအားတွေ..အားလုံးအသုံးချပြီး ..နတ်သမီးကို ချစ်နေပါ့မယ်။

          ထိပ်ထားကို ချစ်တဲ့စိတ်ကြောင့် သူတင်မကပါဘူး..။ သူပတ်ဝန်းကျင်ကိုပါ ကျွန်တော် ချစ်တက်နေပါပြီ။

          ချစ်သူ…ချစ်နေရသောသူ..။

          နတ်သမီးကို ကျွန်တော် ချစ်တယ်..။

          ဘာတွေဖြစ်ဖြစ်၊ ဘယ်လိုဖြစ်ဖြစ်၊ သူ့ကို ကျွန်တော်ချစ်မယ်။ ဒီလိုအခြေအနေမျိုးမှာ ကျွန်တော်ဟာ သူ့အတွက် မှော်ဆရာ..တစ်ယောက်လည်းဖြစ်ချင်ဖြစ်မယ်..သူတောင်းစားတစ်ယောက်လည်းဖြစ်ချင်ဖြစ်မယ်။ ကျွန်တော် စဉ်းစား နေတာက..သူဟာ နတ်သမီး..နတ်သမီးဟာသူ  ဖြစ်လာနိုင်သလား..။

          အတူတူလား..။ တကွဲတပြားလား…။ တစ်ဦးစီလား…..တစ်ယောက်တည်းလား..။ ဒီအကြောင်းတွေ တွေးမိရင်.. ကျွန်တော်ဟာ ဟာ့ဒစ်တစ်လုံးကို ဘာမှပြန်မယူဘဲ ဖော်မက်ချလိုက်သလို ခံစားနေရတယ်။ ဘာမှ မပိုင်ဘူး..။

အခန်း(၄)

          "ရန်နိုင်"

          "ဟင်"

`        "မင်းကဗျာထဲက ကောင်မလေးကို သတိရနေတာလား"

          "အင်း"

          "နတ်သမီးဟာ အဲ့ဒီကောင်မလေး တစ်ကယ် ဖြစ်မလာနိုင်ဘူးလား"

          ထိတ်လန့်တုန်လှုပ်စွာ ပြောလိုက်မိတယ်။

          "ဘယ်သူပြောနိုင်မှာလဲ"

          ဟုတ်ပါရဲ့။ ဘယ်သူကပြောနိုင်မှာလဲ..။ ဒီဘ၀မှာ ဆုံဆည်းခွင့်မှ ရှိပါ့ဦးမလား။ မဆုံနိုင်သော နက္ခတ်တွေနဲ့ ကျွန်တော်ဟာ ခရီးတစ်ခုကို သွားနေတာလား။ ဒါမှ မဟုတ် ဆုံဆည်းရမှာလား..။

          "နတ်သမီး..ရယ်"

          သူ့ရဲ့မျက်ဝန်း၊သူရဲ့အပြုံး၊သူရဲ့ အပြောတွေ..ပြီးတော့ ချိုလွင်နူးညံ့တဲ့ စကားသံလေးတွေ..။ အဲ့ဒါတွေ အားလုံးက….ကျွန်တော့် ကောင်းကင်ကို အုပ်မိုးနေလေရဲ့။

          သူဟာ…ကျွန်တော်ရဲ့နတ်သမီးလား။ ဒါမှမဟုတ်..နတ်သမီးအရေခြုံထားတဲ့ တစ်ပါးသူတစ်ယောက်လား။ ဒါမှမဟုတ်…နတ်သမီးအရေခြုံထားတဲ့ နတ်သမီးတစ်ယောက်လား..။

          တစ်ခါတစ်လေကျတော့လည်း အသိရခက်တဲ့ လောကရယ်..အသိရခက်တဲ့ ကိုယ့်ကိုကိုယ်ရယ်.. အသိရ ခက်တဲ့ ချစ်ခြင်းမေတ္တာရယ်..။

          အားလုံးကို…မေ့ထားလိုက်ချင်တယ်..။

         

ဘာဆိုဘာမှ မသိတော့တဲ့ ဘ၀ကို ပြန်သွားချင်နေတယ်။ သွားခွင့်သာ ရခဲ့ရင် ထိပ်ထားကို မေ့လို့ရနိုင်မလား..။

          "ရန်နိုင်"

          "ဟင်"

          "ပြန်ကြရအောင်"

          တိတ်တိတ်ဆိတ်ဆိတ်ကလေး ပြန်လာခဲ့တယ်..။ အိမ်နားရောက်ကာနီးမှ…"ဒတ္တ" ရဲ့ ကဗျာစာသား တစ်ပိုဒ်ကို အော်ပစ်လိုက်တယ်..။

          "အားလုံးကို စွန့်လွှတ်ရရင်တောင်မှ

သတိရခြင်းကို ငါ ပိုင်တယ်"

ဝေဖန်အကြံပေးစာများကို မျှော်လင့်လျှက်…

နန်းညွန့်ဦး

Email: nnophoto@gmail.com

 

အဆိုပါ ဇာတ်လမ်းလေးကို မိတ်ဆွေ..သင်သာဆိုလျှင်…

          (၁) စိတ်ကူးယဉ်ထားပြီးရေးသားထားခြင်းဖြစ်သည်။

          (၂) ဖြစ်ရပ်မှန်တစ်ခုကို အခြေတည်ပြီး ရေးသားထားခြင်းဖြစ်သည်။

အဆို နှစ်ခု တင်သွင်းခဲ့ရင်..ဘာကိုရွေးချယ်မည်နည်း။ ရဲရဲတွေးပြီး အမှား၊အမှန်ခြစ်ပေးစမ်းပါ။ ပြီးရင် ကျွန်တော့် Email: nnophoto@gmail.com ထဲကို ပို့ပေးစေလိုပါတယ်..။